Шаяхметов Багдат Мухаметович

1946 жылы 17 қарашада ШҚО Күршім ауданы Камышинка ауылында дүниеге келген.

«Өскемен титан-магний комбинаты» АҚ-ның президенті. 1969 жылы Қазақ қполитехникалық институтын бітіріп, Өскемен ТМК-на бағытталған. Осында металлургия өндірісінің барлық баспалдағынан өтті: жұмысшыдан, шеберге дейін, цех бастығы, директордың орынбасары, бас инженерден – комбинат директорына дейін. Алпыстан астам авторлық куәліктер мен өнертабыс патенттердің, ғылыми мақалалардың авторы. Қазақстанда Б.М.Шаяхметовтың белсене қатысуымен қазақстандық титан шикізаттың минералды-шикізат базасын құру, құрамында титан бар шлактарды балқыту бойынша жаңа өндірістерді ашу  жұмыстары  жүргізілуде.  Шаяхметов Б.М. - Халықаралық Академия  мен Қазақстан Республикасының инженерлік Академиясының академигі, қазақ ұтлттық техникалық университеті мен Шығыс Қазақстан техникалық университетінің құрметті профессоры, ғылым, техника және білім беру саласындағы Мемлекеттік сыйлықтың иегері, «Қазақстан Республикасының кен орындарын бірінші ашушы»,  «Қазақ КСР еңбегі сінген мәдениет қайраткері», «Жыл адамы», «Онжылдықтың қамқоршысы» атақтары берілген.   «Отан» және «Құрмет белгісі» орденімен марапатталған.