«Жаз, Кітап, Мен – доспыз!» жазғы бағдарламасының жабылу салтанаты

25 тамыз күні №5 кітапхана-бөлімшесінде «Жаз, Кітап, Мен-доспыз!» атты жазғы бағдарламаның жабылу салтанаты болып өтті. Мерке салтанаттында жазғы бағдарламаның қорытындысын шығара отыра, ең үздік және белсенді оқырмандар, сүйікті кітабыңа бүктеме жасау байқауы бойынша жеңімпаздар марапатталды. Мерекелік шара екі мереке қарсаңында өтті. Ол біздің сүйікті де көрікті қаламыз - Өскемен қаласының туған күні және Қазақстан Республикасының Ата Заңы күні. Балалар 300 жылдық тарихы бар Өскемен қаласы жайлы қызықты сайысқа қатысты.

Сондай-ақ қазақтың ұлы ақыны Абай Құнанбаевтың туғанына 165 жасқа толу мерейтойы да аталып өтті. Мерекеге жаз мезгілінің үш айы: маусым, шілде, тамыз және Знайка мен Незнайка қонаққа арнайы келді. Олар өлеңдер айтып, балалармен сайысқа қатысты. Мерекенің көркін аша түскен «Жаз аруы!» сайысы ерекше аталып өтті. Сайыстың ерекшелігі, таратылған жетондар арқылы көрермендер өзідеріне ұнаған аруға  дауыстарын берді. Арулар ән, би, тақпақ сайыстарына белсене қатысты.  Мерекеге №15 мектеп ішіндегі балалар өнер мектебінің өнерпаздары белсене қатысып, концерттік бағдарламамен жиналған қауымды тәнті етті.