Ұлы ақынның мерейтойына

11 тамызда жазғы бағдарлама «Лето, книга, я – друзья!» аясында №2 кітапхана-бөлімшесінде А.Құнанбаевтың туғанына 165 жыл толуына орай «Әсемпаз болма әр неге» атты әдеби сазды композиция өтті. Мақсаты: оқушылардың назарын А.Құнанбаевтың шығармашылығы туралы мәліметтерді өз беттерімен ізденіп, зерттеу жұмыстарын жүргізуге міндеттеу; оқушылардың шығармашылықпен ойлау қабілетін, сөйлеу мәнерін қалыптастыру; Абайдың өлеңдері арқылы табиғатты сүюге тәрбиелеу. Шара 4 бөлімге бөлінді: 1. «Өлең – сөздің патшасы»; 2. «Мен жазбаймын өлеңді ермек үшін»; 3.«Білімдіден шыққан сөз»; 4. «Жасымда ғылым бар деп ескермедім» және оған «Қыс», «Жаз», «Күз» сияқты топтар қатысты. Балалар мерекеде Абай өлеңдерін жатқа оқып, сөзжұмбақ шешіп, «Жыл мезгілдері» тақырыбына сурет салды, мерекеден ұққан-білгендерін қағаз бетіне түсірді. Соңында қатысушылар өз суреттерін қорғап, барлығы бірге А.Құнанбаевтың «Желсіз түнде жарық, ай» әнін орындады. Қорытындысы шығарылып, жеңімпаздарға тәтті сыйлықтар табысталды. Мерекеге 15 бала қатысты.